Qidiruv tizimi ko'radigan qilib qurish

Bugun eng yuklangan kunlardan biri bo'ldi. Talabalar va frilanserlar uchun platformani qayta qurdim va bir vaqtning o'zida server kuzatuv panelini boshladim. Platformada asosiy qism — universitetlar va fanlar bo'yicha materiallar katalogi. Bu yerda men bir narsani boshidan hal qildim: sahifalar oldindan tayyorlanadi, brauzerda yig'ilmaydi. Sabab shu. Bunday katalogga odamlar bosh sahifadan emas, qidiruv tizimidan keladi — "falon universitet, falon fan" deb qidiradi. Agar sahifa brauzerda yig'ilsa, qidiruv tizimi uni ko'rmasligi yoki kech ko'rishi mumkin. Oldindan tayyorlangan sahifa esa oddiy HTML — u darhol o'qiladi. Shu bilan birga sayt xaritasi va qidiruv tizimlari uchun qoidalar faylini qo'shdim. Bular keyinga qoldiriladigan narsalar emas — ular qanchalik erta bo'lsa, indekslash shuncha erta boshlanadi. Keyin kirish, ro'yxatdan o'tish va ikki xil kabinet qildim: talaba uchun va frilanser uchun. Frilanser bo'lish uchun ariza — olti bosqichli forma. Uni bitta uzun forma qilish mumkin edi, lekin uzun formani odam yarmida tashlab ketadi. Bosqichlarga bo'linganda har bir qadam kichik ko'rinadi. Shu kuni kechqurun server kuzatuv panelini ham boshladim — bu allaqachon boshqa hikoya.